الكحة او السعلة عند الاطفال :

 أنواع السعلة وأسبابها وعلاجها .

 أنواع الكحة او السعلة متعددة وكل نوع منها بيكون له تشخيص مختلف عن النوع الآخر وبالتالي العلاج بيختلف وهذه نقطة مهمة جدا جدا عشان توضح للناس اللي بيسألوا عن علاج للكحة  وقلت كمان أن العلاج الغلط بيزيد من حده الكحة 

♤ مسببات الكحة :

♧ نزلة شعبية حادة 

♧ الالتهاب الرئوي الحاد 

♧ حساسية الصدر 

♧ إفرازات الانف واتكلمنا عنها البوست السابق

♧السعال الديكي 

◇ هنتكلم عن كل نوع ونتعرف عليه وعلاجه ايه 

■ كحة ببلغم : 

● و دي عادة بنسمع صوت بلغم مع كل كحة لطفلك وبتكون مصحوبة دايما باسهال ريحته وحشه وفيه بلغم أو ترجيع مصحوب ببلغم والترجيع هنا بيكون بعد الاكل أو حتي لو الطفل مأكلش 

 مسبباتها : نزله شعبية حاده أو عدوي 

♡علاجها : طبعا لازم الطبيب المعالج ال هيوصف و يكون عبارة عن أدوية موسعه للشعب شراب أو لبوس 

جلسات بخار اتروفنت وفاركولين مهمة جدا جدا 

■كحة مكتومة :

● دي كحة بتتميز أن الطفل ممكن يفضل يكح  ربع ساعة متواصل بدون توقف 

● مسبباتها.. حساسية الصدر لأنها تسبب ضيق القصبة الهوائية ومش هيعرف الطفل يطلع البلغم بسهولة 

في العادة مبيكونش معاها اسهال أو ترجيع لكن ممكن الترجيع يحصل لو الطفل اكل وكح بعد الاكل 

لو متعالجتش بدري ممكن تتطور لنزله شعبيه حادة أو التهاب رئوي 

♡ مسبباتها:  حساسية وليس عدوي 

♡ علاجها : موسعات شعب أو كرتيزون أو لبوس مينوفيللين 

جلسات البلمكورت 

■  الكحة الجافة :

● بتتميز أن الكحة مش معاها بلغم خالص ، الطفل بيكح علي فترات خصوصا لما يبذل مجهود في اللعب أو قبل النوم او لما يصحي من النوم 

مش معاها ترجيع ولا اسهال ببلغم 

ممكن لو الكحة شديدة الطفل يرجع بعد الاكل فقط 

●أسبابها كتير لكن اكتر سبب هو إفرازات الانف لأنه بيتطور بسهوله لاحتقان الانف والحلق واللوزتين أو لنزله شعبية أو حساسيه 

لو متعالجتش مسبباتها كويس الكحة ممكن تلازم الطفل فترة طويله لان المشكلة مش بتكون في الصدر الافرازات بتأثر علي الجهاز التنفسي كله 

■ علاجها : أدوية الاعشاب والكورتيزون وجلسات بالميكورت وذلك مع علاج الجهاز التنفسي 

◇. استخدام اي أدوية موسعة للشعب معاها الحالة تصبح سيئة جدا 

♡ كحة ببحه :

● بتبقي كحة جافة ( ناشفه) جدا معاها صوت بحه أو رنين مميز وصوت الطفل معاها عادة بيتغير أثناء التعب 

■ سببها بيكون في العادة السعال الديكي ، بتظهر في العادة ليلا من ١٠ مساء حتي الفجر

 أسبابها : عدوي الجهاز التنفسي

● علاجها : أدوية الأعشاب ، الكورتيزون , جلسات بالميكورت 

♡ ملاحظات مهمة جدا جدا  ♡

◇ اي ادويه خاطئة لنوع الكحة الحالة تصبح أسوأ

♤لما نطلب أشعة علي الصدر ياريت الناس متكسلش التشخيص السليم هيريح جدا

● دواء الشراب عشان طفلك يستفيد منه لازم ميرجعهوش  قبل ساعه من إعطاءه. الدواء 

لو رجعه ناخد الجرعه من الاول 

♡ اللبوس خاصة بتاعت الكحة ناس كتير بتستسهلها عن أدوية  الشراب لكن لو اتاخدت غلط او فترات كبيره بتعمل مشاكل 

 الجلسات   عشان طفلك يستفيد منها لازم ياخدها متواصل من ٥ الي ١٠ دقائق 

وتعتبر من أهم علاجات الكحة بل أفضلها علي الاطلاق 

 ياريت كل بيت يكون فيه جهاز جلسات بخار وكل طفل يكون له ماسك خاص لعمل الجلسات